الافعال اعلى صوتا من الكلمات

اولا سلام عليكم يارب تكونوا بخير انا زياد العيسوى كنت شغال فى شركة السلام اشتغلت مندوب مدرب مشرف مدير فرع واتنقلت فى فروع الشركة فى خلال فترة سنيتن ثم فتحت شركة لحسابى الخاص والان انا فى الصين ادير شركة استيراد لحسابى بغض النظر عن التفاصيل انا انهرده فكرت ان الشركة افادتينى كتيرررررررررر وخصوصا معلمى واستاذى متسر محمود سالم وعلى هذا الاساس هقولك ازاى تقدر تنجح فى شركة السلام عن خبرة جربتها بنفسى بعيدا عن الكتب وبعيد عن المحاضرات العلمية وبعيد عن التنمية البشرية بالبلدى كده هسالك على حاجه وتقولى خطوة بخطوة انته فين وهتروح فين وليه هكمل فى الشركة وليه هشتغل
اول حاجه انته شغال ليه ؟
واحد هيقولى اصلى انا بحب الشركة وواحد هيقولى ما فيش شغل وواحد هيقولى لغاية ما ربنا يكرمنى والاقى فرصة وامشى وواحد هيقولى عايز اعمل فلوس وواحد هيقولى بضيع وقت لغاية ما الاقى فرصة افضل وواحد هيقولى بكسب بسرعه وبضي ةوادينى عايش
طيب تعال نشوف احنا اصلا شغالين ليه فى الشركة من وجهة نظر الشركة
حضرتك مشغل ناس معاك ليه الاجابة واحدة فقط = عايز اكبر شغلى واكبر عدد فروعى واكسب
الله طيب الاجابة دى هى بس عند مستر محمود ولا عند كل الناس
نجيب سويرس قال فى احد لقائاته انه بيشغل ناس معاه لانه عايز نفس الهدف وكل رجال الاعمال عايزة نفس الهدف
ايوة يعنى انته عايز تقولنا ايه يا مستر زياد عايز اقولك ان كل واحد فى الشركة لازم يكون ليه هدف ووهدف ملموس
دخلنا بقى فى شغل التنمية البشرية والناس اللى بتتكلم كتير وبدون فعل
بص اولا عايز اقولك انته لو مش هتسفاد بالشركة ومش هيكون ليك هدف اعرف انك هتفضل دايما زى ما انته طول حياتك
بمعنى فى الشركة فى ناس موجودة اكتر من 8 سنين وصدقنى زى ما هى حتى الان مندوبة وبدون ذكر اسمائ
اللى عايز اقول لحضرتك انك ممكن تكون داخل المنظومة ليك منظومة
يعنى انا شغال فى الشركة مندوب لكن بشغلى مندوب بوفر كل يوم 30 جنيه
علشان اعرف اوصل لهدفى
كلامك حلو يا مستر زياد لكن قولنا بقى انا اصلا مش عندى هدف اعمل ايه
بص يا سيدى
شوف احسن واحد فى وجهة نظرك ناجح او حاسس انه بيعمل حاجه انته بتحبتها
انا مثلا كنت دايما حاطط مستر محمود قدوة وحلمى ان اوصل لنفس الدخل بتاع الشركة والحمدلله قدرت اعمل كده تقريبا ومحدش يقولى انته بتكسب كام ههههههههههههههههه
شوفت انا قولت ايه الدخل وليس عدد الفروع
يعنى مش شرط انك توصل لدخل الفلوس بعدد فروع كتير ومش شرط ان يكون هدفك تعمل حاجه طبق الاصل لشخص او تكون امعه
طيب تعال نشوف واحده واحده
ونبدا باشرف واعز وظيفة اكتشفت على الارض وهى وظيفة مندوب المبيعات
مش قوى كده يا مستر زياد هو مندوب المبيعات رثيس جمهوية يعنى
حضرتك مندوب المبيعات فعلا اصبح رئيس جمهوية وهو جون كنيدى فى مذكراته كان شغال مندوب مبيعات حتى اصبح رئءس جمهوية امريكا افضل دولة اقتصاديا
يا عم ده حظ او صدفة
عارف اصعب حاجه على الانسان انه يطلع فلوس من جيبه الاصعب بقى ان شخص يقنعك انك تطلع فلوس من جيبك علشان تحصل بيه على منتج
اممم هو بصراحة متعة انى اخلى حد يشترى منى وابيعله بس فى ناس بتطلع عينى فى انها تتفرج ومش تشترى
طيب اقولك على الحل لمعظم العيوب اللى المندوب بيقع فيها وبكده انا اكون وفرتلك طريقة سهلة ؟ بس تدفع كام يا عم عايزك بس تدعلى بظهر الغيب ربنا يكرمنى يلا بقى واحد قهوة وركز معايه هنعمل ايه وهنشتغل ازاى اول حاجه اول لما تدخل المكتب الصبح لغاية ما تروح وانته معاك 60 جنيه
اول حاجه لازم تكون نازل الشغل زى ما تكون رايح تقابل بنت ريحة البرفان مظهر كويس زى الاقمر
يا عم انا على قد حالى هجيب منين كل ده مش شرط على فكرة ان اللبس يكون غالى لبس عادى مجرد قميص وبنطلون اغسلهم كل يوم وانزل بيهم
كده تمام انا رايح الشغل فايق وياريت اكون مظبط نفسى هنزل فين
جينا للمشكلة بقى يا مستر زياد انزل ابيع لمين
اديلك طريقة تنفع فى اى بلد
هتروح الموقف بتاع العربيات وتشوف عربية رايحة قرية قريبة من المدينة
قرية ايه يا عم اللى هبيع فيها هما بتوع القرية بيشتروا حاجه
احنا قولنا ايه اسمع الكلام وقول حاضر
هتنزل تركب تروح القرية
اول لما تنزل القرية انزل على اول البلد
اوع يكون فى شنطتك المكتب كله
عايز تاخد 4 او 5 منتجات
نفسيا انته مقتنع فيهم
ويكون فى وسطهم حاجات للستات والاطفال
او حاجات للبيت الى هو كل منتجات شركة السلام
طيب ماشى نزلنا البلد ونزلنا القرية وخدنا شنطة مش تقيله وكمان متنوعه وفيها الوان مختلفة ومقاسات مختقلفة
اول بيت على اديك اليمين هتلاقيه مقفول خبط عليه
واعمل القرية جمبين واحد شمال وواحد يمين ولازم تخلص كل اليمين علشان تدخل على الشمال الكلام سخن وشكلنا هنعمل فلوس حلوة اشرب شوية قهوه ونكمل طيب مع حضرتك زياد العيسوى من شركة السلام الشركة بتقدم عرض خاص للمنتجات
معانا موديلات ومقاسات متخلفة وحاجات تتناسب مع حضرتك ومع الاولاد

لا شكرا مش تصدعنا مش عايزين طيب ممكن شوية مية

اشرب وبعدين خليك لماح بقى لو بنت واقفة وانته معاك بجامه بص يا استاذ بجامع عرايس تخيلى حضرتك 2 بكام 25
وهكذا لو ولد او راجل او ست
فى عيوب بتقع فيها مش تعرض كل حاجه للعميل
وتفرح انه يقولك عايز وعايز وعايز
لو خصلت البجامه وعجبتها اقفل صفقة
يعنى لو قالتلك اوك هاخد دى اقفل صفقة وهقولك تعمل ده ازاى
لما تيجى تبيع مش تقولها عايز ولا مش عايزة هتقولك لا مش عايزة غور ههههههههههه
حضرتك يا فندم عايز اسود ولا كحلى غامق ولا فاتح مقاس 16 ولا خمسين
بحيث اجابة السؤال تبقى بيعه
طيب اكتب كده العيوب بسرعه بتاع العميل وهقولك تتعامل معاها ازاى
البضاعه غالية المقاس صغير الخام معفنة وزى الزفت وانتوا نصابين
العميل دايما دايما هيقولك غالية لو قولتله ببلاش هيقولك ممكن توصله ليه البيت
طيب نقوله حاجه نقوله حضرتك ممكن فعلا تكون غالية لكن الموضوع مش موضوع غالى ورخيص الموضوع موضوع جودة وخامه
اسحب دماغه بعيد قوله علبة البرفان ممكن تكون كبيرةةةةةةةةةة جدا بس رخيص وممكن علبيه صغيرة جدا تكون غالية جدااااااااااااا ايه الفرق
الفرق فى الخامه الموبيل يا فندم اللى مع حضرتك فى موبيل ثمنه 5000 وفى نوكيل 200 جنيه ايه الفرق الاماكانيات
فعلا ممكن البجامه دى بره 5 جنيه لكن فرق الخامه فرق التصنيع فرق الشركة
هتلاقى عميل سلبى ولا ليه فى الطور ولا الطحين هيقولك دى بره 3 جنيه وانا اخدتها امبارح من اصحابك فى الشركة التانية
العميل السلبى قاعده اعمل نفسك مش سامع ومش تناقشه ابدااااااااااااااا واسكت وقوله انا تحت امرك لكن انا شغالة فى شركة ولازم نبيع باسعار محدةة وانا شغلتى انى اعرض لحضرتك لاننا شركة تسويق والبيع ده بايد ربنا
طيب كلام كويس عارفنا نعرض اازاى طيب السؤال هنا ازاى بقى اتمم صفقة بهدوء خالص خطوة خطوة
ده ميعادنا فى اللقاء القادم لانى عندى شغل الوقتى واشوفكم على خير
ان اردت ان تكون شىئا من لا شى فعليك ان تتعلم ان تحول الاشى إلى شى
زياد العيسوى قاهر المستحيل

يا سلام عليك يا مستر زيااااد والله العظيم انت واحشنى جدا
ونورت الموقع
وياريت تفضل معانا هنا وبمواضيعك المتميزه

شكرا ع الموضوع وجزاك الله كل خير

ازيك يا مستر اسلام اخبارك ايه ويارب تكون بخير شكرا لتنسيق الالوان لكن انا والله بقابل هنا مشكلة كبيرة جدا فى انى اكتب لان الاب توب هنا كلها صينى ولغة غريبة جدا تصدق ان المقال اللى فاتت اخد منى حوالى ساعتين علشان اكتبه مهمتك بقى انك تاخد الموضوع وتعدله وتنسق الوانه ههههههه معلش هتعبك معايه ووعد لما انزل اجيبك هدية علشان
سلام عليكم مره تانى اخباركم ايه مناديب الاعزاء يارب يكون الشغل كويس انهرده ويكون فى فلوس

الحمد لله يا مستر زياد انا الحمد لله انت بس اكتب مواضيع ياعم ومتحرمناش من نصايحك دى وملكش دعوه بالتنسيق انا وراك متخافش الناس هنا تمام وزى الفل والاستاذ محمود سالم البركه فيه مظبط الناس اخر تظبيطه شغل ودلع وفلوس وبوانص ومسابقات الدنيا هايصه ياعم تحس انهم مناديب فايف ستارز